Handikos Mitrovica

Handikos Mitrovica është një organizatë joqeveritare dhe joprofitabile që vepron për të drejtat dhe mirëqenien e personave me aftësi të kufizuara në komunën e Mitrovicës.
Me mbi 600 anëtarë dhe një histori veprimi qysh para luftës, organizata ofron shërbime sociale, rehabilituese dhe avokuese për çdo individ, pa dallim.

600+

Antarë

Handikos Mitrovica është themeluar me synim dhe qëllim që të trajtojë cështjen e aftësisë së kufizuar, duke prioritizuar realizimin e të drejtave dhe mundësive të barabarta të personave me aftësi të kufizuar.
Handikos Mitrovica synon që të gjitha programet e organizatës t’i harmonizojë me këto qëllime, duke e përcjellur misionin e vet tek punonjësit e stafit, vullnetarët, apo palët e treta.

Handikos Mitrovica është një shoqatë që vepron për personat me aftësi të kufizuara në komunën e Mitrovicës dhe është prezente me aktivitete konkrete që para periudhës së luftës. Handikos Mitrovica vepron në Kosovë si organizatë joqeveritare dhe joprofitabile, e cila punon me dhe për personat me aftësi të kufizuara, sipas programit dhe misionit të përcaktuar në Statutin e organizatës.

Kjo organizatë numëron rreth 600 anëtarë vetëm në Mitrovicë dhe synon t’iu jap atyre shërbime sa më cilësore. Handikos Mitrovica operon me veprimtarinë e vet, duke ofruar shërbime pavarësisht nga përkatësia fetare, gjinore, politike, enike, lloji i aftësisë së kufizuar, pozita gjeografike, apo ndonjë vlere tjetër që mund të përbëjë bazë përjashtimi.

Nga viti 2000 deri më 2015, Handikos Mitrovica ka funksionuar si Qendër e Rehabilitimit Bazuar në Bashkësi si rrjet i HANDIKOS, ku më pas në vitin 2015 pas decentralizimit të HANDIKOS, Handikos Mitrovica është regjistruar si entitet në vete duke vepruar si një organizatë jo-qeveritare dhe është përkrahësi kryesor i personave me aftësi të kufizuara në rajonin e Mitrovicës.

Kjo organizatë punon në përmirësimin e cilësisë së jetës dhe pavarësimin e personave me aftësi të kufizuara fizike përmesshërbimeve, vetëdijësimit dhe avokimit. Vizioni i Handikos Mitrovica është që të krijojë një shoqëri gjithëpërfshirëse me njohje dhe respektim të plotë të të drejtave dhe mundësive të barabarta të personave me aftësi të kufizuara fizike. "Fuqizimi i çdo aftësie: Një e ardhme ku arrihen të gjitha potencialet"
Misioni i Handikos Mitrovica është të fuqizojë personat me aftësi të kufizuara për të arritur potencialin e tyre të plotë përmes mbështetjes, edukimit dhe avokimit gjithëpërfshirës. Handikos Mitrovica ofron shërbime të drejtpërdrejta sociale për personat me aftësi të kufizuara në rajonin e Mitrovicës, duke zbatuar një Program Rehabilitimi Bazuar në Komunitet, siç janë.

Ofrimi i shërbimeve të kujdesit ditor për fëmijët me aftësi të kufizuara, bazuar në standardet e shërbimit dhe me staf të kualifikuar profesional;
Ngritja e kapaciteteve të prindërve të fëmijëve me aftësi të kufizuara në aspektin e kontributit në zhvillimin e fëmijëve të tyre në potencialin e tyre të plotë, si dhe këshillim individual dhe grupor me prindërit/anëtarët e familjes;

Avokim aktiv në institucionet vendore publike dhe jopublike, për të garantuar mbrojtjen dheavancimin e të drejtave të personave me aftësi të kufizuara në shoqëri, duke përfshirë të drejtën për lëvizje të lirë, shërbime shëndetësore cilësore, mirëqenie sociale, arsim dhe punësim;